الشمته، الفقسه ؤ الشموتيه ...

وا ليومَ تنادم معايا لحال تاني ؤ گلست تا نتفرج فداک لعجب لي دايراه دوزيم مبعد لمغرب. واش زعما داک شي ما شي حشومه علی دوزيم، آش آوي هاديک شموتيه، آش داک لخبت، آش داک لغباء؟؟؟؟!!!!
الصراحه تحسنات لحال شويا من نهار ضرگ علينا عبد الخالق فهيد زلافتو! ولکن باقي لکلخ ضارب فيهوم الرقم لقياسي. ؤ لکارته هي ناقلين الزمر فساتيليت باش يفضحونا فلعالم مجموع، آجيو شوفو ها لمغاربه علاش قادين ؤ ها آش تايسواو!!!
واش کاين نيت شي فلمغاربه تا يستمتع بلمسخ ديال الخياري ؤ جماعتو و إداو بحالو؟ حيت گاع هادوک شرکات لي تايخلصو زبابل تلفلوس فلإشهار محال واش يوافقو علی هاد تحيماريت کون ما کانوش الناس عاجبهوم "الإنتاج الوطني". واش ماشي لمنطق هدا؟
بيت نعارف دروکه غير شکون لي فيه لعيب... يقدر انا!؟!
ليومه آ سيدي رشقات ليهوم علی الشلوح... آش آوي بيتو بيهوم عييتو ما تشوهو بروسکوم ما بقاو ليکوم غير هوما! ما عمري ما قلقني نشوف شلوح فتلفزه قد ليومه! إلا غير باش تكملو لكوطا ديال شلوح ؤ صحراوه ؤ مراکشيين وا شبعو بداك تلفزيون (باش ما نگولش شي حاجه "خری").
وا سيرو حلو غير شي ديکسيونير ولا منجد تعارفو بعدا آش معنات قصه وآشناهو سيناريو ولا زاپيو لشي قنات لا دياول الشرق ولا الغرب مستحيل تلقاو کفس منا!!!
تفو تنيرفيت تاني -_-